opre

Hasna thaj Lašipe

Šajipe (hasna) paj sičaremaske-buča.
Daka-šibako sičaripe si agorozime, daka-šibako sičaritori majbutivar korko andapes kerel le kenjvi pe peski šib, vaj anavel le sičaremaske bajura anda pesko them. Le themes si maj-cera love po žutipe pe žutimaske lila pa daki-šib. Školege-raj alon avri kas thaj pe sos te den avri love. E biblioteka si aversar laši hasna. Le internetosa putrelpe buth neve šajimata. khote si buth pedagogi kaj den avri penge bučake-lila thaj sičarimaske-buča. Ande kodola kaver dake-šibake-sobi pe "Tema modersmal" si laše gindura so šaj hasnalilpe. De paj Internet šaj rodelpe korkoro majbuth buča sosa šaj rodes žutipe le rodimasko-gipo po Interneto.

Data thaj šib
É data (komputera) majangle ande vrama, žanena te hasnalin sa le betivura thaj sa le šiba pe intrego ljuma. Pharestena vi kodo avla ke birina te bolden perdal le iskirimata maškar majbuth šiba. Jekh skiripe po streino šib birisa te ašunes pe čiri šib vaj te skiris avri kodo po printeri (avri-skiritori). É moda žal opra sigo pa kadala buča. Kodola kaj keren le dati thaj le programura, keren khetanimaski buči te šaj den gata kadalesa somajsigo te al len hasna le manušendar kaj žanen majbuth šiba.

Žanglimasko-sičaripe
Daka-šibako-sičaritori si kodo bajo savo si len majbuth bi-pedagogicko sičaripe. Desar 1990 či sičarde čijekhes dako-šibako-šičaritovos ande Swedo. Numaj varesoske thaneske sičarimata kerde ande unji komuni. Buth anda dake-šibake-sičaritora si korkora pe pengi šib, pe pengi škola vaj megvi ande pengo foro. Numaj ande majbare komuni (forura) kaj si šajipe te sičaren žanglimaskosičaripe le daka-šibako-sičaritori pe peski šib. Žanglimasko sičaripe

si jekh nevi bari vorba pe daka-šibako-žutipe thaj pe daka-šibako-sičarimasko ahor thaj puteripe.

O "Tema Modesmal" si majbuth buča te šaj lišarelpe e buči pe maj-laši hasna le daka-šibake-sičaritorenge. Vi kodo si glavno ke sar pedagogo te lelpe angle pengo mangipe thaj gindosko thaj kodosokamelpe te kerelpe peske majbareske thaj te khetanezin pe sičarimata, konferensi thaj seminarijumura so kerenpe.

Ame rodas majbuth informaciji paj sičarimata paj daka-šibako-sičaripe. Tume žanen varesoke thana vaj sičarimata dural, ame avasa najisarimaske pe kado žutipe.

Rodipe pa daka-šibako-žutipe thaj pa dako-šibako-sičaripe
Nordbas si jekh kidime rodimeahor pa duje-šibange konsičol. kado si Skandinivijako školengi-khetanimaski-buči kaj o Skandinivijako ministerstvo.

Etniped si jekh avri-rodimaski-grupa (khetanipe) kaj Sisčaritorengi-bariškola ande Stockholmo kaj si interesura paj le pušimata paj asilantura, intregonaljumakokulturako sičaripe thaj sičarimata pa sičaripe thaj opre-barimasko-sičaripe ande na-evropeicke thema.

Maškar pe Sa-dural rodipe si jekh kerestil-žanglimasko furumo pe sičarimata pe durutne themeske khujipe thaj buča pe butekulturake them thaj kulturno thaj themeske bajura pe intregone-ljumake migracija. Ande Maškar si vi Rodimaski-žumajimaski-grupa pe sa le themeske minoriteti ande Swedo.

Maškar pe duje-šibango-rodipe ande Stockholmosko majbari-škola (univerziteto) inkren thajdikhen kodoleske te avel majfeder o rodipe paj le duje-šibipe sar sako jekheske ženo thaj pe intrego them bajo.

Šibako-rodimaski-instutucija ande Rinkeby. Institucija kerel rodipe thaj del rodimaski-informacija so si paj dujalo-šibipe kaj manuš thaj ando them. Rodimaski-than khetanil vi šibako-ande-sičaripe, šibako-sičaripe thaj dujalo-šibako sičaripe, sar maj-bute-šibipe ande trajimasko-than, bučakotrajo thaj pe intrego them sar si.

Kamlamas te šaj den amende hiro paj rodimaske-projektura.

Dakišib ande kaver thema.
Ande skandinavijake thema šaj phenelpe ke jekh gindo si amen paj dako-šibako-žutipe thaj

daka-šibako--sičaripe . Saj phenelpe ke majnem jekh sokaši thaj šajipe si pe daki-šib ande angla-škola thaj ande škola ando Danicko, firlandicko, norveganicko thaj pe swedicka školi. Te žala pe Njamco (Germanija) khote si opra but žene so avile anda xoraxano (turkija), len si školi kaj sičaren len pe lengi xoraxani-šib. Ande Hollando si len jekh sokaši kaj mezil sar pe amaro ande Skandinavija. Ande kaver thema ande Europa naj či sosko vaj nažon cera themesko žutipe pe daka-šibako-sičaripe. A dako-šibako-sičaripe inkrelpe majbuth ande penge organizaciji vaj korki von pe pengo počin.

Pé kaver rig o Atlanto ande USA thaj Kanada si bare grupi šavora kaj lenge dejdada vorbin spanjolicka. Atunči normalnoj te avel len spanjolicka-šibake školi. Maj-cine šibake-grupi korki von musaj te žanen te kerenpenge sičaripe paj daki-šib. Le puterde školenge ande USA thaj ande Kanada, si len jekh maj-baro musajipe te žutin le cine-šiba, sar le sogodicka indijanicka-šiba.

O Skolverket das 1996 e profesores Åke Viberg te rodel-avri le pušimata so si paj sičolpe thaj sičarelpe paj le šiba dural-themenge. Viberg sikavel ande sogodicka kotora sar le duje-šibengo sičaripe thaj sičolipe, denpe ande Swedo thaj užes sikavelande so si paj vorbi thaj hačarimata paj kadala buča. Ginav maj-buth paj kado raport khatar o Skolverket pa swedicka sar dujto šib le themarenge.

Dragan