opre

Taven saste thaj baxtale!

Man mangle le raj te iskiri duj-trin vorbi pe kado Interneto, anda kodo te inkras amari šib angle ande vrama bi te xasajvel. Anda kodo si khate ando 
Svedo buth sokaša (zakonura) thaj čačimata paj daki-šib, savi si amari "romani šib". Ke desar 2000 berš khate si amen le romen sa-jekh čačipe sar vi le gažen, vi pe školi thaj pe radio, nevimaske-lila thaj pe televizija. Ame sam ande pinžarde sar jekh minoritetno fajto, akanak puterdoj amaro drom.

Me hasnalil le betivura anda centralno Evropa :
Betivo: Č  -  Š  -  Ž  -  X.
Kado paluno betivo o "X" šutem majfeder sar te šutemas "ch", sar te phendovpe "xal" vaj "chal".

Me kerdem jekh Lovaricko abeceda, kaj šaj dikhen mure exemplura pa sako betivo/bukva.
Khate telal si tumen e vurma.
ABECEDA Lovaricko.

thaj vi kodo kamav te phenav tumenge majdur te šaj keras jekh khetanimaski buči, anda kodo tena bisterdjol amari šib šoha meg avla e ljuma. Mange opra drago avlas te šaj sičuvasas vareso jekhvarendar, te avel amenge pe hasna. Anda kodo mišto avlas te šaj bišadanas tume mange jekh lil (e-mailo, romanes bušol "e-lil") thaj te phenen sar žal tumari buči ande tumaro them vaj ando tumaro foro, le šavorenca. Ke sarso žanen amare phure phenen "E ljuma pe terne ašol".

Te si tumen varesoski vorba so či hačares, bišaven mange jekh e-lil thaj phenen so si pe tumaro ilo, t'aven saste thaj baxtale.

Dragan